كفاية بقى حرام عليكم !

يا عم استنى يا عم حال البلد مش تمام هو انتم عاوزين تروحوا مصر ليه يا عم ارتاحوا بقى عاملين فيها ناشطين وكل شوية بتقولوا فلوس ومطالب مادية مش شايفين حال البلد عامل ازاي حرام عليكوا اتقوا الله بقى كفاية كده الثورة بالشكل ده هتبوظ البلد وتوقف حال الناس حرام عليكم الناس مش طايقة خلاص ريحونا بقى وارتاحوا كفاية كل شوية عاوزين تشحططونا كل شوية ونروح مصر ونسيب اشغالنا وحالنا محتالنا هو مش احنا احسن من بتوع المحليات ولا ايه امال لو انتم زي بتوع المحليات كنتم عملتم ايه بقى ؟

كل شوية واحد فيكم يطلع يسخن الناس وتحددوا معاد وقال ايه عاوزين تقيلوا وزير المالية

وكل شوية نيجي نبص على الفيس نلاقيكم بتسخنوا نقول هينهدوا ويهدوا مفيش فايدة

دا احنا بنخش نبص عليكم وحتى مش برنضى نعلق عشان تهمدوا مفيش فايدة
حرام بقى ارحمونا واتلهوا شوية في شوية نكت او فرفشة أو صهللة او نعاكس شوية ونهيص وسيبكوا بقى من المطالب دي اللي فلقتونا بيها

هو انتم فاكرين نفسكم هههه هتعملوا حاجة كان غيركم أشطر ابقوا قابلونا لو نفعتم او جبتم خير ليكم او لينا

دا اخركم ان شاء الله يا إما السجن او اما يضطهدوكم ويقرفوكم ويطلعوا عينيكم وساعتها هتقولوا ياريتنا كنا سمعنا كلامكم

حراااااااااااااااااااااااااااااااااااااااااام بقى ارحمونا وارحموا الناس دي الناس زهقت وطهقت كفاية بقى !

لو حد لسه عنده كلام يقولوا او حد يتطوع ويرد اصلي للاسف الشديد لسانى طلع فيه شوك !

المطالب ادبية ومعنوية قبل ما تكون مادية وان كان الحال واقف وظروف البلد لا تسمح بالرغم انها سمحت للمدرسين والاطباء والضرائب العقارية وجت عند ممثلى وزارة المالية ولم تسمح حنقول ماشى خليها مطالب ادبية ومعنوية بالرغم من كدا لم يتحقق شىء حتى المطالب التى لم تكلف اعباء على الموازنة لم تتحقق اذن المقصود التهميش والتجاهل لفئة هى من اهم فئات الرقابة فى الدولة ...........لما ولمصلحة من؟